လာဇီယိုအသင်းသည် အသင်း၏နာမည်ကြီး ကွင်းလယ်ကစားသမား မီလင်ကိုဗစ်အား ဈေးလျှော့ရောင်းရန် စီစဉ်နေကြောင်း Gazzetta dello Sport က ဖော်ပြခဲ့သည်။
အသက် (၂၈)နှစ်အရွယ် ဆားဘီးယားကွင်းလယ်လူ မီလင်ကိုဗစ်သည် ၂၀၂၄ ခုနှစ်တွင် လာဇီယိုအသင်းနှင့် စာချုပ်သက်တမ်းကုန်ဆုံးမည် ဖြစ်သည်။
လာဇီယိုအသင်းသည် ကနဦးက မီလင်ကိုဗစ်ကို ပေါင် (၈၈) သန်းရမှသာ ရောင်းချမည်ဟု ဈေးနှုန်းသတ်မှတ်ခဲ့သော်လည်း ယခုအခါ ပေါင် (၄၄)သန်းဖြင့် ရောင်းထုတ်ရန် စီစဉ်လာခြင်းဖြစ်သည်။
မီလင်ကိုဗစ်ကိုခေါ်ယူရန် ဂျူဗင်တပ်စ် နှင့် အာဆင်နယ်အသင်းတို့က စိတ်ဝင်စားနေကြောင်း သိရှိရသည်။
